احساسى وانا جنبك ..

انا جمبك بعشق احزانى
تمسح دمعى وينزل تانى
واحساسك يوصل ل كيانى
.
.
واحس همومى بقت همك
ومشاعرى اللى بتجرى فى دمك
ولا يمكن شئ بعدى يهمك
.
.
وتجينى بلهفه واحساس
وانسى الكون وعيون الناس
.
.
واجرى عليك
واتعلق بيك
واطمن بالخوف فى عنيك
.
.
من خوفك على قلبى وروحى
بحلف قادر تشفى جروحى
واما شفايفك تهمس مالك ؟
وأتامل للشوق فى سؤالك ؟
؛؛_؛؛
والصمت يجمد فى كلامى
يمنعنى افضفض بالآمى
واسيبك وحدك تفهمنى
وكأنك مجبر تفهمنى !
وترجع أملى واحلامى
وشروق الشمس لأيامى
.
.
وبكون جنبك عاشقه انيني
لما تسيب الكون وتجينى
ويبقى كل مناك تداوينى
واللهفه فى عينك تراضينى
.
.
والضعف اللى فى لحظه ملانى
راح وانا جنبك وخاف ونسانى
وطمنى الاحساس التانى
احساس بوجودك عشانى
بهمسه بقولك من قلبى
.
.
.

انا جمبك بعشق احزانى
انا جنبك بعشق احزانى